Композитор Н. Тілендиевтің 100 жылдығына арналған «Әуен мен кескіннің құдіреті» суретші педагогтердің республикалық байқауының ережелері

1. Жалпы ережелер

1. Композитор Н. Тілендиевтің 100 жылдығына арналған «Әуен мен кескіннің құдіреті» республикалық байқауын (бұдан әрі – Байқау) өткізу ережелері оның мақсатын, міндеттерін және өткізу тәртібін анықтайды.
2. Байқаудың мақсаты: қазақ композиторы Нұрғиса Тілендиевтің шығармашылығын дәріптеу арқылы көркем өнер саласындағы педагогикалық шеберлікті арттыру.
3. Міндеттері:
   1. Н. Тілендиевтің шығармашылығын дәріптеу, оның музыкасы мен өнерін көркем сурет арқылы көрсету;
   2. педагогтер арасында шығармашылық қабілеттерін дамыту, жаңа әдіс- тәсілдер мен өнер саласында тәжірибе алмасуды ынталандыру;
   3. ұлттық мәдениетке, өнерге, білімге деген құрметті арттыру.
4. Байқауды Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығы қашықтық форматта өткізеді.
5. Байқаудың ұйымдастырушылары ұйымдастыру комитеті мен қазылар алқасының құрамын құрады, байқауды өткізеді және қорытындылайды.

2.Байқауды өткізу мерзімі және тәртібі

1. Байқау 2025 жылғы 22 қаңтар – 03 наурыз аралығында өткізіледі.
2. Байқауға қатысу үшін 2025 жылғы 17 ақпанда сағ. 18.30-ға дейін konkurs.muz@mail.ru электронды поштаға мына материалдарды жіберу қажет:
   1. үлгі бойынша өтінім 1-қосымшаға сәйкес;
   2. байқау жұмысын электронды түрде;
   3. сканерленген түбіртек немесе төлем туралы төлем тапсырмасы.
3. Байқауға 2025 жылғы 17 ақпаннан кейін түскен және Ережеге сәйкес келмейтін байқау жұмыстары қарастырылмайды.
4. Байқау қорытындысы, дипломдар, алғыс хаттар, сертификаттар 2025 жылғы 03 наурызда www.ziyatker.org сайтында орналастырылады.
5. Ұйымдастырушылар Байқауды өткізу мерзімін ұзартуға құқылы.
6. Байқауды   ұйымдастырушылар   байқау    материалдарын   авторды көрсете отырып, әлеуметтік желілерде жариялауға құқылы.
7. Байқауға қатысу үшін 5000 (бес мың) теңге төлемақы төленеді.

Төлемақы:

1. барлық банк немесе Қазпошта бөлімшелерінде келесі реквизиттер арқылы жүргізіледі.

Қазақстан   Республикасы   Оқу-ағарту   министрлігінің   «Республикалық қосымша білім беру оқу-әдістемелік орталығы» РМҚК (резидент: 19).

БИН 990140004733

ИИК KZ918560000005068448 БИК KCJBKZКX

Кбе 16

АО БанкЦентрКредит

Төлемақы аталуы «Суретші педагогтер байқауы».

Қатысушының аты-жөнін, тегін толықтай көрсету қажет (жіберуші – Резидент: 19).

1. Kaspi.kz арқылы жүргізіледі:1) Kaspi.kz тіркелу; 2) «Платеж» бөлімі
2. «Доп. образование»; 4) «Мектеп» 5) «Республикалық қосымша білім беру оқу-әдістемелік орталығы» (Астана қ., Кенесары көшесі, 40); 6) қатысушының деректерін және төлем сомасын енгізуге; 7) сынып деген жерде кез келген санды жазу; 8) кезең деген жерде айды көрсету; 9) төлем түрін көрсету (Kaspi gold); 10) төлем жасау.

3.Байқау талаптары

1. Байқауға жалпы орта, қосымша, техникалық және кәсіптік білім беру ұйымдарының педагогтері қатысады.
2. Байқау келесі номинациялар бойынша жүргізіледі:

1. «Ата толғауы». Номинация Нұрғиса Тілендиевтің мұрасына деген терең құрмет пен музыка мәдениетінің байлығын бейнелеуге бағытталған. «Ата толғауы» – ата-баба мұрасының ұрпақтан ұрпаққа жалғасып жатқанын білдіретін шығарма. Суретшілер бұл тақырыпты ұлттық әдет-ғұрыптар, салт- дәстүрлер мен халықтың тарихи тұлғаларын бейнелеу арқылы аша алады.
2. «Ақсақ құлан». Бұл номинацияда суретшілер Тілендиевтің біртуар туындысы «Ақсақ құлан» күйін бейнелеуі тиіс. Тақырып табиғаттың сұлулығын, дала өмірінің тыныс-тіршілігін, қазақ халқының қасіреті мен армандарын көрсетуге арналған. Ақсақ құлан күйінің аңыздық сипатынан шабыт алып, суретшілер қазақтың дәстүрлі өмірін, батырлықты, қайсарлықты, ерлік пен рухты бейнелеп, күйдің ішкі мазмұнын сурет өнері арқылы ашады.
3. «Махамбет». Номинация қазақ халқының ұлы ақыны, батыр тұлға Махамбет Өтемісұлының рухын дәріптеуге арналған. Суретшілер батырдың ел мен жер үшін күрес жолын, ерлігін, оның ұлттық рухының мықтылығын, сондай-ақ ақынның арманын бейнелейтін туындылар ұсына алады.
4. «Жеңіс салтанаты. Номинация Ұлы Отан соғысындағы жеңісті, халықтың ерлігін, батырлығын және бейбіт өмір үшін күресін бейнелеуге арналған. Бұл тақырыптағы суреттерде Ұлы Жеңістің маңыздылығын, халықтың күш-жігері мен күресін, соғыс жылдарындағы ауыртпалықтарды жеңу жолындағы ұрпақтар арасындағы бірлікті көрсетуге болады.

Әр номинацияда суретшілер өз жұмыстарында Нұрғиса Тілендиевтің шығармашылығы  мен  қазақ  халқының  тарихын,  мәдениетін,  ұлттық

құндылықтарын, сондай-ақ тәуелсіз Қазақстанның рухани және мәдени дамуын бейнелей алады.

15.Жұмыс түрлері мен техникалары:

• кескіндеме (гуашь, акварель, май, пастель);
• графика (сурет, қарындаш, тушь, көмір);
• аралас техникадағы композициялық жұмыстар (аралас материалдар).

Жұмыстар жоғарыда аталған техникалардың кез келгенінде орындалуы тиіс (қалауы бойынша – жиектемемен ресімдеу).

Паспартуда   авторлықты  көрсету   қажет   (автордың  аты-жөні,   жұмыс аталуы, білім беру ұйымы).

1. Байқау жұмысының форматы:

• жұмыстың көлемі: А2 (жұмыстардың фотосуреттері JPG форматында ұсынылады);
• бейне (таймлапс – автордың өнер туындысын жасау процесі туралы қысқа видео).

1. Байқау жұмыстары кәсіби қазылар алқасымен 10 балдық жүйемен бағаланады. Қазылар алқасының шешімі хаттамамен ресімделеді.

Жұмыстарды бағалау критерийлері:

• өзіндік ерекшелігі;
• тақырыптың тереңдігі мен мағынасын беру;
• жұмыстың креативті тәсілі;
• көркемдік шеберлік;
• күрделілік дәрежесі;
• көркемдік мәнерлілік (композициялық және түстік шешім).

1. Бөгде адамдардың материалдарын және Интернет желісінен алынған материалдарды пайдалануға тыйым салынады. Байқау жұмыстары бұрын басқа сайтта жарияланбаған болуы тиіс.

4.Байқауды қорытындылау

1. Байқау қорытындысы бойынша қазылар алқасының мүшелері байқау жеңімпаздарын анықтайды.
2. Байқау жеңімпаздары I, II, III дәрежелі дипломдармен марапатталады, қатысушыларға сертификаттар беріледі.
3. Байқау қорытындысы, дипломдар, сертификаттардың электронды нұсқалары https://www.ziyatker.org/ сайтында орналастырылады.

Анықтама телефоны: 8 (7172) 64 75 97.

Ережеге қосымша

«Әуен мен кескіннің құдіреті» суретші педагогтердің республикалық байқауына өтінім